Australian Kavman bambae i review mo considarem evri aplikesen blo ol Vanuatu woka long Australia.
Folem visit blong hem long Australia, Deputi Praem Minista we hemi semtaem Minista blong Foreign Afeas, Hon. Matai Seremaiah hemi talem se olgeta we Visa blong olgeta i expire oli mas kam fowod.
“2 weeks ago, mi bin stap long Canberra blong diskasem sam long olgeta isu ia wetem Foreign Minista blong yumi long Australia,” hemi talem.
“It is very clear that i kat fulap isu we mekem se fulap woka blong yumi oli disengage.”
DPM Seremaiah hemi talem se from oli disengage longtaem mo oli fraet blong kam fowod, mekem se oli stap aplae blong karem wan Proteksen Visa.
Hemi tok moa se olgeta Vanuatu woka ia oli aplae blong kat Proteksen Visa from i kat sam risen blong oli no wantem kambak long Vanuatu, so oli nidim Visa ia blong stap nomo long Australia.
“Wanem we Australian Kavman hemi decidem se bae hemi no facilitatem eni Proteksen Visa blong ol wokman blong yumi we oli disengage.
“Wanem yumi wantem hemi blong olgeta oli kam fowod, sapos Visa blong olgeta i expire, kam fowod blong yumi asistem olgeta blong oli kambak long Vanuatu but yumi no wantem ko down that road blong ko stap askem Proteksen Visa.”
