Pablik Seves Komisen (PSC) bae i no pem ful amaon blong risk alaowens blong ol nes be bae i putum in smol smol long account blong olgeta.

Jeaman blong Pablik Seves Komisen (PSC), Martin  Mahe i talem se Risk alaowens blong ol nes i no stap long Palamen budget blong yia ia.

Long last yia 2023 Palamen i apruvum, ova VT6 billion blong Helt sekta mbe long yia ia hem kam nao long VT5 billion vatu.

“Ol budget we taem Palamen hemi appropriatem hemi kam blong ko tuwods ol aktivitis we hemi pas tru long parlimen blong karem indorsmen blong hem mo hemya hemi no bin kapja long karent budget weh hemi stap,” PSC Jeaman hemi talem.

“Be mi biliv se wetem direksen weh Pablik Seves Komisen wetem Ministri blong Helt hemi stap muv fowod long hem blong yumi mas setelem bae kaonsel pepa ya iko befo long kaonsel of ministas mo wans yumi karem indosmen blong kaonsel of ministas ten bae hemi redi blong ko long sablimentri blong yumi saveh karem apruvol blong palimen blong ful amaon blong kleim blong save setelem.”

Mr Mahe hemi talem se 250 Nurse oli klem risk allowance from oli bin wok long taem blong Pandemic blong covid 19 mo claim ia hemi blong 2021.

“Bae yumi no save pem evriwan wantaem, beh bae yumi pem wetem availabiliti blong badget weh i stap, bae yumi pem pat bae pat blong ol totol namba blong ol staf .

“Beh me biliv se Ministri blong Helt hemi priperem wan kaonsel pepa we i kam blong kavman hemi konsiderem totol amaon blong kleim blong mekem se yumi saveh sekurum wan lamsam blong mani weh bae i saveh kam blong pem aot everi wan , wan go.”

Chairman Mahe hemi talem se ikat plan i stap in ples wetem Ministri blong Helt blong pem aot.