Plante woka istap long kalapus long Australia
Minista blong Internal Afeas we hemi responsipol long Leba, Hon. Johnny Koanapo hemi presentem olgeta plan blong Gavman iko long Gavman blong Australia long saed blong seasonal wok skim.
Ol Plan ia hemi blong dil wetem ol isiu we olgeta woka blong Vanuatu istap fesem long Australia.
Hon. Koanapo i talem se olgeta option we Vanuatu i givim hemi blong everiwan save wok blong dil wetem ol isu we ol woka i fesem.
“Mi tekem hemia olsem wan prioriti. mi identifyem ol gap we ol agents blong yumi oli involve long hem,” Minista Koanapo hemi talem.
“And pehaps oli need blong oli impruvum ol perfomenses blong olgeta long hem olsem rekrutmen mo how oli dispatch ol woka blong olgeta iko long ol fam.
“Oli nid blong fuloap mo lukluk long welfare blong ol woka blong yumi we istap long fam.”
Ova 10,000 woka blong Vanuatu istap oversea mo bigfala namba we istap long Australia oli fesem isiu we hemi meinli wetem contrakt blong olgeta.
Hemi meinli from oli disengage long olgeta employer from difdifren rison.
Bae Vanuatu ino tekem aksen olsem samoa hemi tekem we hemi stopem program. bae yumi gohed nomo mo bae yumi fixim as yumi ko along.Hemia blong yumi gohed blong mentenem spes blong yumi.
Mbe taem hemi stap long Australia, Minista Koanapo hemi come blong fesem sam nara isiu bagegen wetem ol kes blong Law blong Australia.
Fulap long ol yangfala blong yumi oli stap long Jail. sam wetem longfala sentens. Hemi mata blong oli understandem ol laws blong Australia.
Yumi wantem blong yumi wok wetem Leba mo Agents blong mekem suo se taem oli ko yumi lukim olgeta iko mo kambak gud.
Hon Koanapo I talem se wetem hae namba ia, Gavman hemi mas muv hariap blong help servem program ia we hemi bringim bigfala money ikam olsem remittance blong olgeta woka we istap oversea.
“Money we hemi helpem ol famili mo semtaem helpem Gavman.”
