Monday, July 15, 2024
25.5 C
Port-Vila
Monday, July 15, 2024
More

    New Zealand i bukum ples long kran Faenol

    Niu Ziland i kasem ples blong olgeta long final blong OFC Men’s Nations Cup afta wan 5-0 viktori agensem Tahiti long VFF Freshwater Stadium long Port Vila long Tede.

    Koj blong Niu Ziland, Darren Bazeley, i mekem wan jenis nomo long tim we i winim Vanuatu 4-0, wetem Ben Waine i kambak long stat laen-ap blong riplesem Max Mata.

    Tahiti tu i mekem wan jenis from wan injuri, wetem Kevin Barbe i kam insaed blong riplesem Eddy Kaspard we i bin hop blong plei long fored blong famili blong hem long Vanuatu.

    Narafala pleia we i gat koneksen long Vanuatu, Matatia Paama, tu i no save plei from suspensen blong hem long wan red kad agensem Papua New Guinea.

    Last taim we Tahiti i winim Niu Ziland hemi long yia 1995, be tim blong Samual Garcia i karem konfidens from wan taet 0-1 loss long last miting blong tufala long FIFA World Cup kwalifae long 2022 long Qatar.

    Long semifinal blong taem ia long World Cup kwalifae, Niu Ziland i faenem i had blong brekdaon strong Tahiti tim, be long Tede long Port Vila oli kwiktaem tekem kontrol.

    Viktri blong New Ziland istat eli long 8 minit nomo taem Liberato Cacace i mekem wan fri-kik we i kasem pos, i go stret long leg blong Finn Surman blong skorem fes gol blong hem blong kantri blong hem long namba 4 apirens.

    Tahiti i tekem klosap 20 minit blong mekem wan threat long gol blong Niu Ziland, taem Tyler Bindon i klerem wan denjeres kona.

    Niu Ziland i gohed blong krietem ol opotuniti klosap long haf-taem mo Waine markem namba trik gol blong hem blong tornamen ia.

    New Ziland i sko long injuri taem tru long Barbarouses.

    Samfala toktok blong enkarejmen long haf-taem i pusum Tahiti long aksen long sekon haf mo kapten Teaonui Tehau i bin ko kolosap blong sko mbe i luk shot blong hem i go ova long krosba.

    Eni hop blong wan comeback blong Tahiti i bin end taem Player of the Match Cacace i givim wan kros sut long Waine blong sko bagegen.

    Barbarouses tu i kasem dabol blong hem sam minit afta.

    Niu Ziland i sud inkris sko blong olgeta, be sam desperate defend mo poor finishing i mekem ino posibol.

    Darren Bazeley mo tim blong hem naoia i stap wet blong faenem hu bambae i agensem olgeta long final, taem Fiji i tekem Vanuatu long sekon semifinal blong dei.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen