Minista we hemi risponsibol long Immigration, Hon. Johnny Koanapo hemi plan blong reviewem bakegen isiu blong ol diplomatik paspot.

Minista hemi talem se mane we oli spendem blong printim diplomatik paspot hemi sas, mbe politician mo civil servant ino stap iusim gud.

Hemi se bae hemi lukluk long mekem sam review long diplotik passport long ol manis we ikam.

“Mi bin wan foma Director General long Ministry blong Foren Afeas and mi lukim hao mifala ol politisen i save abusem diplomatic pasports,” hemi talem.

“Not only Politicians, but Public Servants oli save abusem diplomatic system, Kavman structure blong hem ino klia.

“Oli kivim long ol pipol we oli rich finis, yumi givim ol diplomatic paspot long olgeta and then ol smolsmol man blong yumi long Vanuatu yumi mas mekem olgeta oli pem passpot.”

Minista Koanapo hemi talem se ol diplomatic paspot hemi kat moa privilege taem wan man man hemi travel aotsaed.

“So bambae mi mas review hemia blong lukluk se bae diplomatic passpot bae hemi kostem yumi moa blong printem be yumi kivim long ol pipol fri then bambae Ministri bae mas lukluk long hem.”

“Yumi kat 3 kaen pasport, yumi kat grin paspot we hemi ordinary paspot, yumi kat blu paspot we ol Kavman officials blong yumi oli usum mo yumi kat red paspot we hemi diplomatic paspot we ol diplots, ol Kavman Minista mo ol Memba blong Palamen oli usum particularly long travel blong olgeta blong kat isi access.

“Be sapos i stap kat abuse blong hemi intention blong mi blong mi mas lukluk long hem, not only the abuse, I think yumi preservem integrity blong system blong paspot blong yumi.”