Folem defeat long Satedei las wiken, Vanuatu Chess Federesen (VCF) hemi holem wan finol tonamen blong oli save ple wetem Niu Caledonia bakegen yestedei.
Finol tonamen ia hemi folem strakja blong ‘round robin tonamen’ we hemi taem olgeta pleya long wan tim oli kat janis blong ple wetem evri pleya long nara tim.
Tonamen ia we lukim tu (2) maj – Maj A mo Maj B, hemi blong olgeta top 10 pleya blong Vanuatu mo Niu Caledonia blong patisipet.
Vanuatu hemi bin winim Maj A mo long Maj B, hemi lukim Bellier Pontais, blong Niu Caledonia hemi karem fes ples.
VCF Sekreteri, Jeremy Ellison hemi talem se experiens ia hemi wan gudfala samting blong lanem taem oli joinem World Chess Tonamen long Budapest, Hungary.
“The experience was fun, it was exciting, lots of stress involved, but at the end of the day, it’s a great opportunity to challenge ourselves to see where we can improve, but it’s also a good opportunity to encourage our players to strive for excellence.”
Hemi talem tu se bae ol tonamen olsem hemi help blong impruvum gem ia Chess long kauntri.
Naoia tonamen hemi finis, mo Niu Caledonia team oli travel kobak bakegen long kauntri blong ol.
VCF hemi kontinu blong priperem tim blong hem blong patisipet long World Chess Tonamen long Budapest long yia ya.
