Vanuatu Meteorology mo Geohazard Depatmen (VMGD) hemi putum aot wan low presa weh i stap long westen saet blong kaontri weh hemi mekem seh i kat hevy rein mo dak klaot hemi stap yet ova long kaontri

VMGD weta fokasta – Frankie Peter i talem long VBTC nius seh hevy rein fol bae hemi stap long kaontri kasem long en blong wik ia.

“Umi kat sevia weta woning blong hevi reinfol hemi stil stap yet ova long Vanuatu wetem yumi kat wan marin strong woning weh hemi stap ova long saoten wota.”

Meteo hemi rimaendem pablik seh wetem hevy reinfol bae hemi saveh kosem tu flooding long ol low eria

“Espeseli long olgeta weh oli stap long saet blong riva afta taem weh i kat tanda stom yumi advaesem pipol blong stap insaet.”