Vot no long Referendum i minim se ol pipol i agri lo ol muvmuv blong ol MP mo ol inkris long salary blong olgeta.
Hemi toktok blong Deputi Praem Minista we i stap semtaem olsem Minista blong Foren Afeas, Hon. Matai Seremaiah.
Long VBTC Stret Tok program lo wik ia, Hon Seremaiah i pointem aot bigfala risk we i stap sapos Nasonal Referendum ia ino pass lo favour blong Yes Vot.
“Pipol i mas luk save risk blo Referendum i no pass,” DPM Seremaiah i talem.
Hemi talem se i kat risk we oli stap tokbaot vot se bae i pass be i kat risk tu sapos ino pass.
“Sapos Referendum ino pass, you telling the Members of Parliament se muvmuv olbaot hemi gud, inkris blong salary hemi gud”
Hon. Seremaiah i talem se hemia hemi mesej we pipol i stap kivim long olgeta sapos Majority i vot no lo referendum ia.
“Sapos oli vote NO me olsem wan Memba blong Palamen se ah be ol majority blo ol pipol oli agri lo wanem we i stap happen ia nao we mifala stap mekem”
Deputi Praem Minista Seremaiah hemi talem tu se 3 manis hemi stret time-frame blong olgeta Memba blong Palamen blong ranem ol awenes long ol konstituensi blong olgeta.
Hemia hemi folem fulap concern we i kamaot long olgeta pipol we oli tinkse Nasonal Referendum hemi nidim plante moa time blong ranem ol awenes long kauntri.
DPM Seremaiah hemi talem se long time blong kampen blong Nasonal Eleksen hemi nidim 2-wik nomo mo olgeta kandidet oli flatem evri ples blong kampen.
“This is of National Interest, go out to the people,” hemi talem.
“If we are really serious about getting people informed, we all have to be involved in the process blong mekem awareness.”
DPM Seremaiah hemi explenem se fes step blong pasem wan konstitusen amendement olsem hemi blong karem sapot fastaem long Palamen.
“Since me bin kam Memba blong Palamen long 2016, mifala listem ko long Palament a couple of times, i ko i nogat sapot i withdraw,” hemi talem.
“First hurdle ia oli bin startem long 2010, blong karem ol amendments ia iko long Palamen.”
Hemi talem se i kat wan taem we oli bin traem pasem sam amendment be Kavman hemi never karem iko long Referendum, from nomo se i kat sam holdback mo hemi no karem sapot long Palamen.
Taem DPM Seremaiah hemi stap mekem ol awenes long Luganville hemi talem long pipol long weh se, “yu luk wea finis se wan Memba blong Palamen hemi ko sapotem wan lao we bae panisim hem?”
“Sapos yumi delay, delay for how long? Bae appetite hemi still stap o no?”
DPM Seremaiah hemi tok moa se sapos wan Memba of Palamen, tingting blong hem hemi change blong talem se “no yumi no wantem ko daon that road, bae neva kolo referendum ia because that’s the first hurdle we yumi mas overcomem.”
“Hemi so easy blong blong talem se yumi delayem be ol mechanics we i stap happen behaen fulap long ol man oli nosave the difficulty blong karem kasem long ples we istap long hem naoia.”
