Deputi Praem Minista mo semtaem Minista blong Foren Affeas hemi konfiden se bae majority long ol pipol bae oli vot YES blong sapotem Referendum nekis manis.
Insaed long VBTC Stret Tok show long wik ia, Hon. Matai Seremaiah hemi serem tingting blong hem se majority blong ol pipol long Luganville, constituensi we hemi kamaot long hem, oli agri blong yumi jenjem system mo traem adresem isiu blong instability long kauntri.
“I think to be honest, referendum bae i pass because people in the rural communities have been speaking and I’ve heard them, mi harem fulap awareness we i ko aot long rural communities and fulap pipol oli taet,” hemi talem.
Hemi explenem se ol pipol long taon oli kat akses long fulap samting, long electrisiti, long rod, long hospital, long wharf mo airport.
“Yumi no mas be selfish, yumi stap long taon, mi mi wan MP we kamaot long taon.
“Pipol we oli disadvantage we oli stap long rural communities deserve better than what we are doing now.
“Providing stability bae kivim opportunity blong drivem plante moa seves iko long communities.”
DPM Seremiah hemi talem se hem tu hemi experiencem instability.
“Olsem wan Memba blong Palamen mi bin vot YES, mi givim view blong mi and mi encouragem pipol blong luk point we mi bin experiencem insaed long Palamen and mi karem ko long ol pipol.
“Democracy hemi stap long ol pipol nao, pipol bae oli kat choice blong jus YES o NO.
“Yu nosave talem se just because mi ko mekem awareness, mi givim example blong mi and mi vot YES i minim se hemi no democratic. Democracy hemi givim choice long pipol to make a choice.”
DPM Seremaiah hemi talem se i kat wan grup blong vot NO we oli stap pas raon mekem awenes tu, mo oli mekem ol pipol oli confuse.
“To be honest, i bringim some confusion to some but I think the majority of Luganville will support the referendum, its my observation, mi nosave talem se hemia hemi tru o no mbe that’s my observation, based long awenes we oli mekem long Luganville, mi luk se fulap bae oli vot YES.”
Hemi tok moa long saed blong hao ol pipol oli wantem moa awenes blong save gud wanem nao tufala amendmen blong 17A mo 17B.
“Long saed blong information probably hemi lelbet wan side but at the end of the day, pipol bae nid blong decide, Kavman bae no vot long behalf blong pipol that’s why we have the referendum to give it back to the people to make the decision to vot YES o NO.
DPM Seremaiah hemi talem se sapos oli agri long 17A mo 17B oli vot YES, sapos oli no agri bae oli vot NO, be bae oli mas kat wan gudfala ansa from wanem nao oli vot NO mo givim sam solusen long instability blong tudei.
