Polis i ripotem se afta long autopsi we wan pathologist blong Australia i mekem long wan ded lo aelan blong Santo i soem se bullet blong masket nao i tekem aot laef blong man ia.
Komuniti blong Taloa long Nguna island bae i kat akses long klin wota wetem wan niu sola pawa wota system long wik ia tru long sapot blong Ministri blong Klaemet Jenjs.
Hemi ova long 3 yia nao weh wan vilij health woka i stap fulumap meresin long cartong o basket mo wokabaot raon long Etas komuniti blong sevesem ova long 3000 pipol weh oli sik.
Nasonal Waste Wota Task Fos oli mit tudei blong adresem isu blong toti wota we i kamoat long Vila Central Hospital mo hemi stap spolem wota blong Erakor Lagoon.
Ol sekondari tija raon long kauntri oli joenem wan Micro-Kwalifikesen prokram long wik ia blong helpem olgeta save writem ol kwaliti asesmen blong ol studen.
Vanuatu Pro Medikol hemi ripotem 2 kes blong shark attack long manis ia long Port Vila habor we hemi involvem wan turis blong Canada mo wan smol boy we slip long Pango.
