Ol sekondari tija raon long kauntri oli joenem wan Micro-Kwalifikesen prokram long wik ia blong helpem olgeta save raetem ol kwaliti asesmen blong ol studen.

Direkta blong Edukesen Seves, Nanise Lapi hemi talem se prokram blong Education Quality mo Assessment Program (EQAP) hemi wan bodi we i lukaotem edukesen asesmen prokram anda long SPC we hem nao i offerem.

“Hemi blong equipim ol tija blong yumi blong writem ol hae kwaliti asesemen, yumi kat fes cohort las yia which oli karem fes tiket blong olgeta mo bae stat tekem olgeta blo raetem yr 13 exams this year,” hemi talem.

Hemi tok moa se bae nekis cohort oli statem prokram blong micro-kwalifikesen o MQ long nekis wik.

“Once olgeta i finis bae yumi kat wan gud pool blong ol tija we oli capable blong writem ol hae kwaliti asesemen and all this hemi add towards accreditation points blong yumi blong yr 13 kwalifikesen.”

Direkta Lapi hemi talem se wetem situasen blong olgeta yr 13 we oli perfom low long sabjek blong Maths, bae oli stat blong lukluk long wan standardized test blong testem numerasi mo literasi.

‘Weak mathematics performance hemi wan histri blong Vanuatu, hemi always wan trend bifo,” hemi talem.

“But taem hemi kam long yr 10, yr 12 mo yr 13 that’s where yumi luk trend blong yumi hemi stap ko daon so ol tija yumi wantem statem ol sabjek bakeken blong yumi stat diagnosem wanem nao hemi wrong mo wanem nao yumi sud stap mekem better blong stap impruv long low level long saed blong numerasi.”

Hemi se i kat 50 senia tija we oli attendem MQ prokram ia long wik ia.

By Premilla Hinge