Port Olry Helt senta i stap fesem sam jalenj blong providem seves i ko long pipol folem poor condisen blong ples blong lukoatem gud ol sik man.

Nurse we hemi lukoatem helt senta ia, Marie Joses hemi talem se taem we i kat rapis weta oli mas muvum aot ol tul mo masin ko long wan sef ples from nomo se ren i stap spolem.

Even ol haos blong ol helt woka ino stap long wan gudfala kondisen blong oli slip lem.

“From ol dispensari ia oli neva kat ol renovesen kasem tudei, sins we oli bildim oli stap repaint nomo kasem tete,” hemi talem.

“Bae yu luk ol window we oli stap ia, ol window ia sins oli bildim aos ia i stap kasem tete, even ceiling ia i stap kasem tete, oli no jenjem celiing ia, so hemi had blong sarem window ia, even sos ren i kam bae yu mas wetwet nao.”

Hemi se i kat sam Aid posts tu we oli providem seves long wan big populesen mo oli nidim wan ol nurse we oli regista gud finis.

“Area 1 hemi bigwan we, ol helt faciliti blong yumi ino naf, i kat sam helt faciliti we i stap be naoia man ino usum, i gud blong ko toktok bakken long ol komuniti blong rebuildim ol senta.”

Mrs Joses hemi tok moa se long ol eria we nogat nurse lem hemi hadwok tumas mo wan nara bigfala konsen.

“Taem i kat man long field hemi isi blong yumi mekem wan samting especially long komuniti mobilisation, bifo yumi mekem wan samting bae komuniti hemi mas save mo komuniti i mas mobilisem komuniti bifo yumi kam.”

DG blong Helt, Posikai Samuel Napo i talem finis se plan mo tingting blong ribildim bak helt senta ia i stap long proces mo oli mapem aot vinis se hemi wan prioriti blong Ministri blong Helt.  

By Premilla Hinge