Sunday, May 19, 2024
29.8 C
Port-Vila
Sunday, May 19, 2024
More

    Polis i mekem investigesen long wan ded long Santo

    Polis i ripotem se afta long autopsi we wan pathologist blong Australia i mekem long wan ded lo aelan blong Santo i soem se bullet blong masket nao i tekem aot laef blong man ia.

    Autopsi ripot i soem se oli tekem aot tri bullet long bodi blong wan ded man we hemi wan victim blong killing long Ankoru vilej, Big Bay mainland long Santo.

    Polis i talem se afta long autopsi we pathologist i bin mekem, oli tekem bak body blong man ia i ko long vilej blong oli save berem hem.

    Senia Inspekta blong Noten Komand, Afremen Kender hemi talem se investigesen i soem se i bin kat sam raorao insaed long famili blong man ia longtaem finis i kam, mo hemi soem se olgeta oli stap gat rabis tingting bakegen long olgeta.

    “Ating most long ol cases blong umi long las yia, hemi ol killings, hemi result blong knife, masket mo ol narafala weapon wei pipol i ded long hem,” hemi talem.

    “So, mi wandem tekem tis taem ia blong talem long umi ol komuniti lida se plis umi ol jif i mas toktok gud wetem ol pipol blong umi mo advisem olgeta long stret rod.

    “Yumi gat ples blong solvem ol problem ia i stap, spos we yu tingse yu no save handelem long vilej o long level blong yu, yu save kam long polis blong i advisim yu mo komuniti blong yu long ol ples we i save help.”

    Defendan blong kes ia, Polis i remandem hem i wet blong hemi kamoat long kot mo ansarem ol charges we i stap agensem hem.

    Polis i talem se investigesen blong kes kolosap i finis be oli nidim sam moa infomesen bakegen we bae oli ko from long ol famili memba long Ankoru vilej, Big Bay bush.

    By Premilla Hinge

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen