Wan midel aij man hemi komitim suicaet tetei long Salbebe Komuniti behaen long Wan Smol Bag.
Polis istap investigetem insiden ia tedei long.
Hemi wan sad taem long komuniti ia taem olgeta i kirap long morning tedei, Tuesday.
Famili ia hemi gat 2 pikinini.
Direkta blong Criminell Investikeisen Depatmen, Donald James , hemi talem seh bae oli no saveh kivim aot eni infomesen yet from kes hemi stap yet unda long investikeisen
VBTC nius hemi ko raon long eria weh insiden ya hemi tekem ples mo toktok wetem jif blong komuniti mo hemi talem seh wok blong wan jif hemi blong stopem ol kian fasin ya blong no hapen, beh fulap taem ol yangfala boy oli no wantem sta kam arem ol toktok o stretm ol isu long nakamal.
“Oli traem stop oli lisen long jif, oli nomo drink, oli nomo mekem ol kian rapis fasin, from fulap taem jif i singaotem miting blong kam, olgeta oli no wantem kam, oli tekem marijuana mekem seh i saveh mekem sam samting i hapen olsem, mifala i wantem ol kian fasin olsem i mas stop”
“Hemya hemi fes taem weh wan insiden olsem i saveh hapen long komuniti blong me mo me no wantem hemi hapen namba tu taem bakekn.” Jif David Cook hemi talem.
Jif David hemi talem tu seh viktim hemi blong Ambae.
Wan pastor blong komuniti ia, Willie James i talem seh kes ia hemi nogud long komuniti.
“Man weh hemi stap kosem suicaet long laef blong hem, hemi nokat speis insaet long Kingdom blong God, from u mas letem God hemi tekem aot laef blong u folem taem mo sisen blong hem”
“Youmi stap long wan taem weh God hemi stap kat plan long laef blong youmi,God hem wan yet bae hemi singaotem u folem raet taem, u no alao blong kilim laef blong u, long taem weh u kat wan isu u no kosem ded long laef blong u.”
Mental Health tim long Vila Central Hospital, oli rekodem seh long las yia 2023, ikat ova long 20 man weh oli traem blong tekem aot laef blong olgeta mo ikat belo 10 man weh oli mekem komplit suicide o oli tekem aot laef blong olgeta wan.
