Vanuatu Aquatiks Federesen bae hemi sendem long manis ia, tu (2) yang swima blong hem blong ko tekem pat long wan narafala edisen blong Wol Swim Jamponsip long Doha, hemia long Qatar.
Supreme Kot hemi askem Vanuatu Kavman blong pem ova Vt3 milien faen long Marcel Brugger we hemi ona blong Aquana Resot folem depotation blem mo famili blong hem las yia lo September numba 5.
Polis i ripotem se afta long autopsi we wan pathologist blong Australia i mekem long wan ded lo aelan blong Santo i soem se bullet blong masket nao i tekem aot laef blong man ia.
Komuniti blong Taloa long Nguna island bae i kat akses long klin wota wetem wan niu sola pawa wota system long wik ia tru long sapot blong Ministri blong Klaemet Jenjs.
Hemi ova long 3 yia nao weh wan vilij health woka i stap fulumap meresin long cartong o basket mo wokabaot raon long Etas komuniti blong sevesem ova long 3000 pipol weh oli sik.
Nasonal Waste Wota Task Fos oli mit tudei blong adresem isu blong toti wota we i kamoat long Vila Central Hospital mo hemi stap spolem wota blong Erakor Lagoon.
