Ol pipol blong Erromango oli hapi tumas from Vodafone network hemi kambak bagegen las wik lo namba 6 Febuari afta long wan manis we hemi bin daon.

Vodafon hemi mein netwok provida long Erromango from netwok blong Digicel i bin daon blong 2 yia nao.

Hed blong Radio Akses Netwok or RAN blong Vodafone, Samuel Edward hemi talem se oli bin sendem sam woka i ko long Eromango blong fixim netwok long Port Narvin.

“Olgeta mein isu we oli i bin stap fesem hemi weta mo remoteness blong locasen blong tawa,” hemi talem.

From i no bin gat netwok conneksen, olgeta woka long aelan i usum ol satelite phone blong communiket wetem Port Vila, be rain hemi kosem disturbens long satelite, mo i kosem tu olgeta problem long saed blong transpot.

“Remoteness blong locasen blong tawa i mekem se hemi had smol blong wok long hem from hemi long we long Port Vila mo i stap long wan area we fulap trak i no save kasem.”

Mr Edward hemi tok moa se i tekem 2 wik nomo blong wan tim i save fixim tower blong olgeta mo kivim bak netwok kolo ol pipol.