Ol Memba blong Palamen oli traem adresem isu blong passport long Palamen siting tudei blong finem wan wei fowod blong Kavman save sevesem gud ol pipol.
Memba blong Palamen blong Santo Rural, Hon. Sakaes Lulu hemi askem Kavman blong mekem clarifikesen long isu blong passport.
Hemi askem se from wanem nao taem wan man hemi aplae from wan urgent passport bae tekem hem 4 o 5 manis blong karem.
Minista blong Internal Afeas, Hon. Johnny Koanapo hemi respond mo talem se Kaunsel blong Minista oli sidaon yestedei blong apruvum mo mekem rod blong wan niu masin blong passport.
“Niu system ia bae kat capability blong printem 300 passport long wan dei,” hemi talem.
Minista Koanapo hemi konfem se bae niu masin ia bae kam long manis blong April.
Hemi talem se olgeta bin putum oda blong 70 tausen passport mo procument blem oli mekem finis.
“Backlog blong ol passport aplikesen we hemi stap naoia hemi bigwan lelbet, manis blong Novemba kasem Desemba i kat ova 1000 aplikesen.”
Minista hemi tok moa se yumi mas givim priority long ol student we stap ko ovasea mo olgeta we kat medikol emegensi.
“Mi bilif se yumi able blong addressem isu blong ol passports long April.”
