Sunday, April 14, 2024
24.8 C
Port-Vila
Sunday, April 14, 2024
More

    ‘Kavman no mas mekem semak mistek blong pem wan airbus’ : Salong

    Long Fes Extra Odinari session blong Palamen tudei, Memba blong Palemen blong Malakula, Hon. Sato Kilman i askem Kavman se niufala plen we Air Vanuatu i plan blong karem hemi stap wea.

    Hemia i folem passing blong badjet long Tuesdei long wik ia we lukim wan deposit blong VT2 billion blong wan niufala aircraft blong Air Vanuatu.

    Long rispons, Minista blong Finaens John Salong i talem se hemi wan conversation we Vanuatu hemi kat wetem France we ino finis yet be oli putum deposit finis wetem Air Bus tru long Air Vanuatu.

    Minista Salong hemi talem se negotiations hemi gohed be bae Kavman mas follow up lem blong mek sua se mane ino lus mo Kavman bae no mas mekem semak mistake olsem bifo.

    Long 2021, Hon. Ralph Regenvanu, long position blong hem olsem Deputi Lida blong Oposisen, hemi bin talem se Komisen blong Inquiry blong pem Airbus A220 hemi westem mane blong pipol.

    Long taem ia, Kavman i bin putum wan semak deposit blong VT2 billion blong 2 plen – Airbus A220 mo Airbus A320 mo long yia 2022, Air Vanuatu hemi cancelem oda blong ol niu plen ia.

    Long 2019 taem oli handem ova ol ripot blong pem niu Airbus series, Jeaman blong Komisen, John Path hemi talem se ol investigesen ripot i soem se wan Airbus hemi no stret blong wan smol kauntri olsem Vanuatu.

    Mr Path hemi bin talem se Vanuatu i nogat professionals olsem ol pilot mo engineers blong lukoatem gud wan plen olsem Airbus A220.

    Praem Minista Hon. Charlot Salwai Tabimasmas hemi givim rispons blong hem tu long Palamen tudei se Air Vanuatu hemi no pem Airbus from i no stret taem blong hem.

    Praem Minista Hon. Charlot Salwai Tabimasmas long Palamen. Foto: VBTC

    Hemi talem se tudei olgeta nara kauntri oli stap oda semak plen mo Vanuatu sud mekem semak be bae Board nao bae decide wanem plen blong pem.

    Praem Minista Salwai i talem se long nekis wik bae wan representatif blong France hemi kam long Vanuatu blong discuss olgeta negotiations blong niufala plen ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen