Friday, February 7, 2025
29.8 C
Port-Vila
Friday, February 7, 2025
More
    Friday, February 7, 2025

    Niu SMART submarine cable bambae hemi operet long yia 2026

    Wan lokol telekomunikesen kampani – Prima i saenem wan agrimen wetem Alcatel Submarine Netwok (ASN) blong putum wan SMART subsea cable we bae connectem Vanuatu wetem Niu Caledonia.

    Science Monitoring and Reliable Telecommunications (SMART) cable ia bae kivim wan opotuniti blong Vanuatu i save monitorem ol samting olsem Earthquake andanit long solwota mo semtaem hemi stap tu olsem wan telecommunikesen netwok.

    Lokol Consultant long projek ia, Fred Samuel hemi talem se saening blong agrimen ia hemi tekem ples long las manis mo hemi wan bigfala projek we bae i stat operet long 2026.

    Subsea cable ya bae hemi konektem Vanuatu wetem Australia, Niu Caledonia mo Fiji.

    Prima kampani bae wok wetem ASN blong konstraktem projek ia mo Ocean Marine Surveyors (OMS) bae risponsibol blong installem blong stat long Lifou aelan long Niu Caledonia mo kasem Efate long Vanuatu.

    SMART cable ia bae i gat ol sensa long hem we bae i monitorem environmen long solwota mo bae i providem real-time o stret informesen.  

    Wokbaot ia hemi stat long yia 2022 lo manis blong Julae wetem saening blong wan Memorandum blong Undastanding (MOU) we Kavman tru long Praem Minista long taem ia, Hon. Bob Loughman wetem Presiden blng Niu Caledonia Louis Mapou oli bin putum long pepa.

    MOU ia hemi blong mekem rod blong wan niu submarine cable blong crosem solwota lo Niu Caledonia kasem Vanuatu blong provaedem kwaliti netwok mo kolektem data long solwota.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations