Ren bae i foldaon ova long ol aelan long Not blong kaontri long tedei.

Vanuatu Meteorology mo Geo-Harzards Dipatmen i talem se mbe long ol narafala pat blong kaontri oli save ekspektem smol ren wetem wan patli klaodi kondisen.

Duti Weta Fokasta long Dipatment ia i talem se fres win bae i bloa long is mo saotis truaot long grup.

Hem i talem se top tempereja long dei tede bae i stap long 27 dikri daon long saot i ko long 31 dikri antap long not. Minimum tempereja long tedei naet bae hem i stap long 21 dikri daon long saot i ko long 25 dikri antap long not.

Duti Weta Fokasta ia i talem se long solwora, win bae i bloa long saotis long spid blong 21 kasem 30 knot. Solwora long kaontri bae hem i raf wetem haet blong 2.5 kasem 3.0 mita.