Vanuatu Maritime College (VMC) i stap long wan bigfala kros rot afta we wan odit we Sustainable Solutions, wan private konsaltensy firm, hemi mekem, i soem se skul i no mitim ol Standad blong Intanasonal Maritime Organisation, STCW Code.

Ripot ia i soem se quality blong trening i foldaon bigwan mo skul i nogat ol materials mo treners we oli save mekem se ol seafarer oli kasem wan stretfala edukesen.

Ol Main Problem We Odit I Faenem:

✅ Ol trainer oli nogat proper qualification – Nating se oli gat bigfala experience olsem kapten mo engineer, be oli nogat formal trening qualification.

✅ I nogat simulator mo ol important trening resoses – Hemi mekem se ol seafarer oli no kasem practical trening long level we i sud stap.

✅ VMC i no stap olsem wan rejista trening provider – Vanuatu Qualification Authority (VQA) i konfemem se VMC hemi no stap yet long lis blong ol skul we oli mas rejista blong mekem training.

VQA i talem se bifo VMC i save kam wan official trening provider long Vanuatu, hemi mas stretem ol problem ya mo mekem sua se hemi mitim ol education mo training standard.