Bai plante aelan long Vanuatu i save luk abav nomol reinfol long 19 Oktoba kasem long namba 1 Novemba yia ya.

Hemi renfol aotluk we i kam aot long klaemet divisen unit anda long Nasonal Meteo.

Divisen i talem se bai Vanuatu hemi expektem abav nomol reinfol long ful Novemba nekis manis.

Abav reinfol i minim se plante dei bai i gat ren.

Septemba las manis, reinfol aotluk hemi low kompea long aotluk blong nekis manis, Novemba.

Klaemet divisen i pointemaot se hemia i folem saeklon sisen blong Vanuatu, we hemi stat long Novemba kasem long April nekis yia.

Divisen i givimaot ol aotluk olsem blong pipol i save mekem raet disisen folem ol aktiviti blong olgeta.