Vanuatu Chess Federasen (VCF) hemi kwalifi blong kam wan memba blong Intenasenol Okanisesen blong Chess mo kat janis blong tek pat long ol gem raon long wol.
Depatmen blong Enviromen hemi kivim wan faen blong VT9 milien long Vanuatu Forestri Indastri Limited from oli no mekem wan pemit blong karem aot operesen blo katem daon tri long Santo.
Ol pipol blong Diversbay long aelan blong Ureparapara long Torres oli nidim wan niu helt seves folem longfala rod blo travel blong kasem Lehalie dispensary long narasaed blong aelan.
Ol kastoma blong Digicel mo Vodafone mo nara telekomunikesen oli mas regista bifo Desemba long yia ia sosno bae oli lokem SIM kad blong olgeta mo bae seves provida oli faen VT20 milien.
