Jea blong Mr. Bruno Leinkone long Ambrym Constituensi hemi empti naoia folem disisen blong Apil Kot.

Tedei long aftenoon, ol Jadge blong Kot blong apil i gkivim disisen blong ol, long saed blong apil blong Presiden blong Nasenol United Pati, Bruno leingkon.

Hemi bin mekem apil blong jalenjem disisen blong spika we i bin karemaot hem long seat blong hem from hemi bin absen long 3 consecutif sitings long palemen.

Ol Jadge blong Kot blong Apil i talem seh bae oli dimisim kes blong Mr Leingkon.

Oli talem seh wetem ol evidens mo ol agumen we olgeta i bin harem, olgeta i desaed seh primari Jadge hemi bin korek blong talem seh Mr Leingkon i bin absent long ol trifala sitings, mo apil blong i bin dismis.

Wetem disisen ya, kot blong apil i talem se Mr Leingkon i mas pem wan 200,000 Vatu faen i ko long Spika.