United States blong America hemi kivim $1.25 million blong sapotem humanitarian assistance long ol komuniti we oli affected long Tropikol Saeklon Lola.
Mani ia hemi araon VT150 milllion.
Hemi includem samfala mani blong sapotem patna blong hem we hemi CARE International.
CARE i bin sendem emergenci respons tim we i go long saot Pentecost mo saot Maewo mo oli helpem autoriti long eria ia.
United States hemi bin helpem saeklon rispons finis. Hemi bin providem assistance long saet blong transpotm ol rilif saplae long Port Vila i ko long Santo olsem wan quick transpotation sapot.
European Union hemi wan long olgeta intenasonal patna tu we hemi kivim €200 000 (euro) we hemi araon VT25 million blong save helpm ol most affected pipol wetem emejenci assitstance.
Mo mani ia hemi kam tru long patna blong hem we hemi UNICEF.
UNICEF i bin providem saplae includem tent mo tapolen we skul i yusum hemia olsem shelta blong ol student oli save mekem exam blong olgeta.
Bae mani ia hemi save benefitm 10,000 pipol long provins blong Penama, Malampa mo Shefa olsem ol most affected provins we TC Lola i damajem bigwan.
Mo las wik China hemi kivim wan amount blong VT23 million long Gavman blong helpm rekavari blong TC Lola. Australia, New Zealand mo France oli tu providem mani mo sapot.
