Dipatmen blong Kastoms mo Inlan Revenu hemi sponserem 24 milien vatu blong pem 560 student we oli joen long VAT Monitoring prokram lo las yia long manis blong December.
Pepos blong VAT Monitoring prokram ia emi blong kolektem ol infomesen we save helpem Kastoms long niufala sel sistem blem mo tu bae ol bisnis aos oli usum blong rekodem ol sel blong olgeta evridei.
Direkta blong Kastoms, Harold Tarosa hemi hapi long gudfala wok blong ol student ia mo hemi givim ol setifiket we bae save sapotem referens blong olgeta long fuja.
“Prokram ia emi finis nao mo tudei yumi stap pem aot ol studen allowances blong olgeta,” hemi talem.
“Mane hemi kam tru long akaon blong Malapoa College mo olgeta oli stap displacem funds.”
Mr Tarosa hemi talem se wan studen hemi karem samples lo 56,000 vatu and bae oli wok wetem VNPF blong miflala pem aot VNPF blong olgeta we hemi wan amaon blong 4 milien vatu.
Ol studen tu oli glad bigwan long bigfala sapot we Kastoms hemi helpem olgeta wetem olsem ol setifiket mo mane we bae helpem bigwan lo skul fee blong olgeta.
Wan long ol studen patisipen, Edward Malsetts hemi talem se no mata long ol jalens oli fesem be hemi talem tankiu lo gudfala colaborasen blong ol bisnis ona long taem oli stap long ol stoa blong olgeta.
“Tankiu long Kastoms and Inlan Revenu we olgeta oli providem mifala wan setifiket we hemi setifiem mifala mo appreciatem mifala long wan wok we mifala karem aot long VAT monitoring wetem wan referens blong helpem mifala long CV blong mifala long feta wok blong mifala,” hemi talem.
Vaes Presiden blong Vanuatu Jemba blo Komes, Christophe Crowby hemi talem konsen blong hem se VAT Monitoring prokram ia hemi wan gudfala stadi blong jekem bak ol bisnis aos long kantri.
“Gudfala tingting blo trialem aot wan exercise olsem blong rejekem bak yumi long ol bisnis aos either yumi faithful o yumi stap honest.
“Ol desisen olsem ia hemi wan exercise we espeseli long yumi long bisnis aos hemi wan re-jekap nomo blong yumi mas mek sua we evri ting we yumi ova raet lem bae hemi mas operat by loa and yumi stap folem evri ting we i stap long prosija.”
Mr Crowby hemi talemaot moa se bae oli wok kolosap wetem customs long yia ia blong developem economik blong kantri.
Ofis blong Kastoms hemi karem sapot blong sponsa long Ministri blong Edukesen, Australian Kavman mo Ministri blong Treds.
Australian Kavmen hemi sapotem Kastoms wetem 9 milien vatu we hemi ko long cost blong kakai blong ol student mo tu oli givhan lo 11 milien vatu we hemi go tuwods transpot we oli stap pikimap ol student ia.
Mo Ministri blong Tred hemi givim sapot blong 1.6 milien vatu blo praes blong fuel.
