Ranwadi Kolej hemi stap fesem ol impak blong hevi rein fol weh i stap go on long kaontri.

Hemi kosem dilei long ol seves weh skul i stap providem lo ol studen.

Skul Prinsipol, Caulton Bule hemi talem seh wan isiu hemi komunikesen netwok.

Skul hemi reliae long sola pawa blong operetem intenet mo administrasen wok.

“Sola pawa blong mifala weh hemi kivim saplae blong pawa i kam long administrasen blong ranem ol fotocopi mo printing, intanet blong mifala hemi afekted from i no kat san laet mekem seh mifala mas usum generata blong pawarem ol wok ia beh aken taem yumi usum generata hemi kostli lo saet blong fuel. So hemi ia tu hemi afektem olgeta pefomens mo operasen blong skul espeseli administratif mata mo ol akademik matas insaet long klasrum”

Nara impak hemi ol likej long ol klasrum mo dometri weh hemi distebem welfeia blong ol studen.

“Nara impak hemi ol likej long ol klasrum mo dometri folem ol maena damej blong saeklon las yia mo hem ia hemi afketem welfea blong ol student. Nara impak hemi Bakery blong skul hemi stap long lowa kampas and taem wota hemi flated hemi madi and naoia hemi afektem baking blong bred blong ol pikinini and hemi olso afektem sales blong skul from i no alowem blong mekem bred long wota weh hemi toti.”

Mr Bule hemi adresem tu seh ren hemi kosem dilei long ol projek blong rebuildem bak ol klasrum weh oli damej long saeklon las yia.

“I kat dispenses long rikaveri wok weh hemi stap hapen long skul and mifala i stap wok blong rikaverem ol damejes mo mekem repair wok lo ol damejes weh saeklon hemi kosem. But aken taem weh weta hemi raf leitli kosem distepens long rikaveri wok, espeseli taem weh ol wokman oli mixim simen mo taem oli wantem plasterem o oli wantem mekem ol boxing blong ol rufing blong haoses weh oli damej ia ren ia hemi afekem planteh.”

Sapos hevi ren fol ia hemi kontinu bae hemi save kosem wan long tem ifek long ol skul long kaontri.