Thursday, June 13, 2024
25.8 C
Port-Vila
Thursday, June 13, 2024
More

    Shareholders Miting blong finem kaon blong Air Vanuatu

    Olgeta kampani mo individual we Air Vanuatu i kat kaon wetem olgeta bae oli mit long wik ia blong harem stret total kaon blong Airline ia.

    Minista blong Finaens, Hon. John Salong hemi talem se bae evri okanisesen mo individual we Air Vanuatu i kaon long olgeta bae oli ko regista online long miting ia long Wednesdei namba 22 Mei.

    “Bae oli pat long wan zoom miting o wan Microsoft teams miting we bae oli karem evidens blong olgeta blong putum long foret blong Ernst and Young blong save se Air Vanuatu i kaon long olgeta hamas mane.”

    Hemi talem se olsem Minista blong Finaens, bae hem tu i regista blong putum ol klems blong Vanuatu Gavman mo finemaot se Air Vanuatu i kaon long hamas mane long Gavman.

    Preliminari repot we olgeta Liquidator i givim aot finis hemi soem se total kaon we Airline ia igat hemi moa bitim aset we Airline ia hemi kat.

    I minim se hemi no save pem aot eni kaon.

    Hon. Salong i talem se Air Vanuatu Operesen ibin stap lusum 100 million vatu everi Manis.

    Hemi talem se 2 Aircraft we oli mekem domestik service bae istap service bagegen ino longtaem.

    Long International Flaet, Gavman hemi asurem pipol we igat ol agreement we istap blong ol nara Airline oversea oli help.

    “So far, yumi kat 2 aircraft blong Vanuatu we tufala operesenol and yumi stap wet long wan tim blong kam long Australia blong mekem wan air worthiness test.

    “Mi bilif se air worthiness testing blong olgeta stap redi nao, ino longtaem bae ol shareholders bae oli talem wan toktok we Ernst and Young bae givim kam long yumi blong luk blong yumi save luk sapos yumi save putum tufala plane ia bae save flae.

    “Oli stap lukluk long legalities blong hem, ol air worthiness mo ol operesen certificate blong Air Vanuatu.

    “Oli stap lukluk long wanem kaen legalities bae extendem bakegen kam long Gavman, evri samting ia bae kam insaed long wan advaes we Erns and Young bae givim long ol shareholders ia no longtaem mo yumi hope se bae yumi save kat tufala airline blong travel between sam long ol destination long Vanuatu.”

    Praem Minista, Hon. Charlot Salwai Tabimasmas i talem long Palemen se hemi bin toktok direkt wetem Praem Minista blong Solomon Island blong Solomon Airline hemi providem service long nem blong Air Vanuatu.

    Minista Salong i talem se hemi namba tu (2) time nao we Airline blong Vanuatu ia hemi go long Liquidation.

    Mo Ernst and Young hemi kampani we Gavman i gat trast long hem blong faenem solution blong Air Vanuatu.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen