Igat wan plan istap blong Reserve Bank blong Vanuatu hemi printim wan Commemorative Bank Note we hemi selebretem 71 Yia blong President blong China, Xi Jinping.
Minista weh i lukaotem Reserve Bank blong Vanuatu, Hon. John Salong i talem seh intitiative ia hemi no political or ministerial disisen.
Hemi se hemi wan praktis we RBV isave issuim Bank note ia mo hemia bae ino festaem.
Gavman i praisem initiative weh Reserve Bank blong Vanuatu i mekem olsem wan revenue opportunity.
“Insaed long Reserve bank igat wan Tim we oli stap wok long Commemorative Notes. So hemi no wan politikol desisen. Ino wan ministerial desisen. Hemi grup blong Reserve Bank. Sapos oli luk se hemi save tekem revenue then oli mekem,” Minista Salong I talem.
Hemi kontinu blong talem seh hemia hemi no new mo hemi olsem wan marketing strategy weh bae i helpem RBV wetem Revenue blong hem.
“Sapos yu ko insaed long Reserve Bank Website bae yu faenem ol Commemorative Coins we mekem finis. Igat commemorative note blong King Charles tu istap. So hemi wan opotuniti blong Reserve Bank i mekem money. Wetem 1.4 billion to 1.8 billiob population blong china, bae Reseve Bank isave winim bigfala money long sale ia” Minista Salong I talem.
VBTC i traem blong kasem Gavana blong Reserve Bank abaot Commemorative Note ia mbe hemi no save talem wan toktok yet.
