Gavman hemi ofiseli apointem wan Liquidator blong tekem ova Air Vanuatu (Operations).
Apointmen ia hemi kam anda long section 14 blong Companies Act No 3 blong 2013.
Igat 3 pipol, Morgan Kelly, Justin Walsh mo Andrew Hanson blong company Ernst and Young (EY) bae oli mekem wok ia.
Olgeta Liquidator ia i tekem ova business blong Air Vanuatu stat yestede mo bae oli mekem olgeta sefti mo mentenans check befo oli statem normal operesen.
Morgan Kelly i talem long wan Media statement se Air Vanuatu hemi impoten long pipol blong kauntri ia.
Hemi se Management blong Air Vanuatu we istap naoia bae hemi wok kolosap wetem ol liquidator ia tru long process ia.
“(translated) Air Vanuatu hemi impoten tumas long pipol blong repablik blong Vanuatu mo hemi impoten long Business blong kauntri ia. Tim blong mifala istap wok kolosap wetem Management blong mekem se service iko long olgeta kastoma hemi gohed,” Morgan Kelly hemi talem.
“Lukluk long fiuja blong airline hemi positif nomata long ol pressure blong ol bigfala indastri mo bae mifala i fokas blong securim fiuja blong national carrier.”
Hemi se se, “EY Australia hemi gat impoten mo saksesful trak recod wetem ol aviation operator mo airline raon long wol mo mifala iusim experiens restructuring Tim,” Kelly i talem.
Air Vanuatu hemi cancelem ol flaet blong hem between Vanuatu, Australia mo New Zealand stat long Wednesday.
Ova long 170 pasenger oli stranded long Australia mo kolosap 100 oli stranded long New Zealand mo Vanuatu.
Liquidator ise bae oli wok blong sortem aot ol flaet ia.
