Nasenol ealaen Air Vanuatu hemi talem se ATR 72 plen blong i bin statem seves bakegen long Tasdei.

Hemia afta we wok blong replesem wan pat blong plen ia hemi finis.

Long namba 1 Oktoba, ATR plen ia ino bin flae from oli mas orderem niufala part ia ikam long Franis mo Singapore.

Hemi disruptum olgeta domestik flaet long Vanuatu mo ol flaet we i go long Noumea.

Olgeta ealaen long Pasifik we i gat ATR plen i mas jenjem semek pat.

Pat ia hemi kasem Port Vila mo ol engineer i putum bakegen finis.

Air Vanuatu hemi konfirmem tu se plen blong hem, Boeing 737, hemi statem flaet blong hem bagegen stat long namba 30 Septemba. Boeing 737 i no save flae sins namba 18 Septemba from hemi gat technikol problem.