UNICEF i gat wari long saed blong helt blong ol pikinini from damej we saeklon i kosem long Vanuatu.
Hed blong UNICEF i talem se repons blong saeklon i gat bigfala jelenj blong tekem ol saplae igo kasem ol viktim blong Tropikol Saeklon Lola.
UNICEF i wan non-gavman organisen we hemi lukluk plante long ol nid blong ol pikinini olsem helt mo education.
Hemi stap redi blong mekem immediate respons blong medikol kea mo sef wota mo narafala saplae i go blong helpem ol viktim long ol eria we TC Lola i pas long hem.
Long ol taem blong disasta olsem oli no helpem ol pikinini nomo be wetem ol family blong olgeta tu.
Chief of Field Ofis blong UNICEF long Vanuatu, Eric Durpaire, i talem se TC Lola olsem namba 3 saeklon we kaontri i ko tru long yia ia, bae hemi causem plante fraet long mind blong ol pikinini.
Mr Durpaire i talem se helt blong ol pikinini hemi impoten long ol disasta taem olsem.
Hemi talem se taem we i gat saeklon, plante pikinini oli gat sik from toti wota mo i no gat enaf kakae.
Mr Durpaire i talem se taem we pikinini i gat sik namba tri taem long 8 manis, mo namba fo taem long 3 yia, hemi gat bigwan impack long helt blong hem.
Hemi talem se hemi afektem helt blong bodi mo afektem developmen blong ol pikinini.
UNICEF hemi stap lukluk tu long saet blong education blong ol pikinini.
Mr Durpaire i talem se UNICEF bae hemi wok wetem Ministry blong Education. Hemi talem se ol skul oli mas stat as soon as possible blong helpem ol pikinini fokas long learning blong olgeta.
UNICEF long Vanuatu hemi kat stock blong ol saplae i stap we hemi enaf long 5,000 pipol includm ol tent, hygiene kits mo school-in-box materials mo i kat sam moa i stap yet lo clearence process.
Mr Durpaire kontinu blong talem tu se wan jelenj blong olgeta taem blong saeklon ia hemi rod blong kasem ol afeckted pipol.
Bae hemi had tumas compare long ol past taem, hemia folem plante damage we TC Lola hemi causem.
UNICEF bae hemi wok tugeta wetem ol gavman organisasen patna olsem Ministry blong helt, education mo klimate jenis blong givim aot ol emergenci saplae i ko long ol afeckted aelan.
Mo tu wok blong putum bak social seves olsem education mo helt i kam moa resilient lo ol pipol.
