Wan kot kes we hemi save kam wan landmark long ol Tija blong ol skul i save kosem kavman plante million vatu.
Kes ia hemi blong ol Acting Principal mo Acting Headmasta blong ol skul.
I gat ova 40 Tija we i bin stap olsem Acting long ol posisen ia kasem Teaching Service Commission hemi apointmen ol permanent apointmen long 2020 mo 2021. Samfala oli bin serve plante yia.
Long October 2022 olgeta i ol kleim blong olgeta we Teaching Service Commission hemi no rispon long hem.
Long April 5 ia, Justis Viran Molisa hemi handem daon wan default jajmen from Teaching Service Commission i no faelem eni defens.
Naoia Kot hemi wait blong mekem oda blong payment.
Hemi givim kasem 4pm long Wednesday 19 April blong Teaching Service Commission mo kavman i filem statement mo calculation.
Olgeta Tija bae oli faelem own kleim blong olgeta long May 3 mo bae agrimen blong cost ia tugeta Pati i mas saenem bifo 4pm long May 10.
VBTC hemi kasem infomesen long ol sos blong hem se ol Tija ia i askem ful peimen blong Salari plus alaowens mo oli multiply o Times by-6 we hemi save kam hundreds million vatu.
Sapos hemia i ko tru bae Kavman hemi lukim wan long ol bigfala payaot long histri i ko long Tija mo semtaem hemi save stap olsem wan landmark disisen we bae i save helpem ol Tija we i stap kam yet.
