Saturday, May 18, 2024
25.8 C
Port-Vila
Saturday, May 18, 2024
More

    Salwai i welkamen Comisen blong Inquiri

    Praem Minista Hon. Chalot Salwai Tabimasmas i talem se hemi welkamen Comision blong Inquiri we i putum nem blong hem tu long kes ia.

    Foma Minista blong Jastis, Hon James Bule, hemi apointem Comisen blong Inquiri ia folem alegesen se 2 ship we ikam long Vietnam tufala i tekem sam item we oli no pasem tru long kastoms long Port Vila.

    Hon. Salwai Tabimasmas i confirm long VBTC News se hemi gat sam samting we hemi pem wetem MP alokesen blong hem we oli stap long ship.

    “Mi bin spendem 5 million Vatu we mi givim long wan impota blong hemi tekem olgeta samting ia ikam blong pipol blong mi long Constituensi blong Pentecost,” Hon. Salwai i talem.

    Igat olgeta samting olsem iron roof, barbed wire mo cement.

    “COI oli save ko faenem ol record long Palemen long Jek we Palemen hemi saenem iko long mi olsem MP Alokesen. Hemi blong olgeta samting we ol vota blong mi long pentecost i askem,” Hon. Salwai i talem.

    Hemi talem se hemi hop Comisen hemi complitim wok blong hem hariap.

    “Mi no wantem blong olgeta samting olsem Cement bae iko nogud long ship ia from mi spendem bigfala mone long hem.Igat sam item I kamaot finis long ship we istap long olgeta diferen propeti blong mi long Vila.”

    Praem Minista i talem se comisen bae hemi finisim wok blong hem mo bae stret report bae i kamaot.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen