Ol kavman agenci bae i saveh kat sapot long Pasifik Agriment long saed blong trade seves mo investment long kaontri.
Long wik ia oli attendem wan wokshop blong helpm olgeta i wok anda long wanem oli singaotem Pacific Agreement on Closer Ecocomic Relations o PACER Plus.
PACER Plus hemi wan trade agriment bitwin ol memba blong Pacific Island forum weh hemi kivim sapot long ol pacific island long saet blong trade long seves mo investment.
Vanautu hemi bin join las yia blong sapotem agriment ia.
PACER Plus i organizem wan wokshop long wik ia weh I lukim ol kavman mo bisnis agenci oli attendem blong saveh helpm olgeta wetem ol developing project proposal blong kantri.
Wan expet blong PACER Plus, Sven Callebaut hemi talem seh tinktink behaen long wokshop ia hemi from oli lukim bigfala nid blong growem trade long seves mo investment long kaontri.
“We are going to help agencies in Vanuatu from the trading services, investment sectors to develop project proposals based on national priorities that would hopefully become eligible and bankable under the PACER Plus funding. So, by doing that to ensure that PACER Plus is actually implementing it not in a region but in all the region include Vanuatu with projects that a benefiting to the economic.”
Long workshop ia i kat ol difren kavmen agenci olsem depatmen blong Kastoms, Vanuatu Tourism, Vanuatu Qualification Authority mo sam narafala moa.
FOTO:VBTC
PACER Plus Vanuatu National Kodinata, Michael Ligo, hemi talem seh main tinktink blong wokshop ia hemi blong helpm ol stakeholda long trade mo seves blong saveh kat sapot long ol sapotiv mekanisim blong PACER Plus.
Hemi talem tu seh bae saveh help blong growem ekonomik blong kaontri.
“Yumi stap traem blong provaedem sapot mo yumi sapotem ol seves ia yumi boostem erias blong investa’s tu blong kam in mo yumi tu yumi save invest aotsaet anda long akrimen ia. Ol potentials yumi stap tokbaot fulap man oli no save gud and that’s why yumi traem blong mekem seh I kat awareness beh at the same time not only awareness beh mifala providem technical expertist oli kam blong sapotem ol stakeholda blong yumi blong traem boostem ol capacities blong olgeta.”
Department blong Custom mo Inland Revenue hemi wan long ol kavmen agency weh oli sapotem agrimen blong PACER Plus.
Director blong customs, Harold Tarosa hemi talem seh PACER Plus bae saveh help blong developm ol strategi long saet blong trade long seves mo investment.
Hemi talem tu seh wan benefit blong workshop ia hemi blong kivim wan isi akses long ol pipol blong mekem bisnis long kaontri.
“Tis taem araon yumi wantem adresem ease of doing business, hemi fasin blong man I faenem i isi blong kat akses blong mekem bisnis. Planteh taem yumi fanem aot seh ol regulatory framewok blong yumi hemi no strakja in such a way that i provaedem conducm invironmen blong man i saveh kat akses blong hemi statem wan own bisnis blong hem mo olgeta weh oli stap long ol remote aelan blong yumi oli faenem I moa hard.”
Vanautu bae i no benefit long trade blong goods nomo beh i saveh benefit tu long ol seves mo investment insaet mo aotsaet long kantri.
Mo tu bae save muvum ekonomik blong kaontri i go long wan nara level.
