Monday, July 15, 2024
29.8 C
Port-Vila
Monday, July 15, 2024
More

    Not Pentecost i kat bigfala damej blong TC Lola

    Not Pentecost hemi wan lo olgeta area we i kat bigfala damej we Tropikol Saeklon Lola i kosem.

    Ol pipol blong aelan ia oli stap yet long ol se haos from TC Lola hemi damajem 90% blong ol haoshold blong olgeta.

    Eria administrator, Grace Hinge, hemi talem se ol main nid blong olgeta naoia hemi shelta, clean wota mo kakai.

    Vanuatu Red Cross hemi kivim fes relief saplae i go lo olgeta Mandae long aftanun.

    “I kat Tiwi Trader hemi beach naoia blong hemi unloadem ol NFI (non-food items) we hemi loaded tru long Vanuatu Red Cross Society we hemi wan lo ol fes responda blong yumi tru long taem blong wan emejenci,” Mrs Hinge i talem.

    Vanuatu Red Cross hemi kivim fes relief saplae. Foto: Grace Hinge

    I kat ol tim blong assessment oli stat mekem assessment finis hemia hemi includem Penama disasta tim tu.

    Afta long ol assessment bae kat moa saplae yet blong helpm olgeta.

    “Penama Branch hemi station wetem yumi long eria blong not, so olgeta ia nao oli also emejenci senta we oli stap help karem aot activiti blong rapid assessment,” Mrs Hinge i talem.

    “Apart long hem ia yumi also kat tim blong Penama emejenci respon tim we also stap wetem yumi long graon mo hemi also ko aot long komunities blong help mekem rapid assessment.” 

    Mrs Hinge hemi talem tu se i kat outbrek blong diaria afta long saeklon.

    Ol nurses blong olgeta oli stap treatem olgeta mo i kat wan medical team tu we hemi stap helpm olgeta.

    “Hemia tu yumi klad se as of this morning yumi kat wan medikal tim blong yumi long helt oli bin stap wetem yumi long this morning mo oli stap mobilise i ko lo wan wan komunities blong yumi long not.” 

    Hemi talem tu se folem ol damage long samfala skul long not Pentecost. Hemi putum kewstion mak long wetaem bae ol skul ia oli save open bakeken.

    “Few skuls blong mifala we yumi no save stret wetaem bae oli openem ol doors blong olgeta blong oli resume mo ol klass blong olgeta from ol klasrum blong olgeta, ol dometries blong olgeta, kakai blong olgeta students we oli board insaet long skul tu hemi damaj.”

    Bae ol pipol i tekem time blong rekava long ol damej we TC Lola hemi kausem.

    Taem assessment hemi finis bae i kat moa long ol relief saplae blong helpm olgeta pipol long aelan ia.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen