Sunday, April 14, 2024
24.8 C
Port-Vila
Sunday, April 14, 2024
More

    Majoriti share blong wan Quarry mas kobak long kastom lan owna

    Long Palamen siting blong wik ia, i kat sam Memba blong Palemen oli kwestem percentage share blong wan quarry mo hamas mane bae mas kobak long kastom lan owna.

    Hemia hemi afta we Palamen i pasem Bill blong Quarry mo i kat fulap diskasen long hem.

    Wan long olgeta mein tingting insaet long Bill ia hemi blong ol kastom lan ona oli mas karem bigfala share from nomo se Kavman hemi stap karem fulwan.

    Lida blong Oposisen, Hon. Ismael Kalsakau hemi resem konsen ia from hemi se graon hemi blong lan ona be i no blong Kavman.

    “Mi wantem save why nao Kavmen bae risivim 40%, provincial kavmen bae risivim 20% mo kastom ona 40% nomo,” hemi talem.

    “I should be kastom ona nao hemi risivim majoriti blong selen blong graon blong hem.”

    Minista blong Lan mo Natural Disasta, Hon. Rick Mahe hemi respon blong talem se ol namba blong ol percentage share ia hemi stap long Prinsipol Act be mein tingting hemi blong enkarejem ol kastom lan ona blong oli own moa long 30% blong kampani.

    “Ol namba ia oli stap long Prinsipol Act, be wanem we hemi stap hemi yumi wantem enkarejem ol kastom ona blong oli ko joen venja mo oli owem moa than 30% share long company,” Minista Mahe hemi talem.

    “And then long ples ia nao bambae hemi oli no entitle blong pem royolti be ovarol wanem we hemi stap 40% i ko lo Kavmen, 40% i ko lo kastom ona mo 20% i ko lo Provincial Kavmen hemi ia hemi stap long Prinsipol Act.”

    Wan nara konsen we oli resem hemi se quarry hemi olsem wan isu we Pablik Wok oli stap fesem taem oli wantem reperem ol rod.

    Minista blong Infrastrakja mo Pablik Utiliti, Hon Mark Ati hemi komen mo talem se bae Bill ia hemi helpem Pablik Wok blong save mekem ol repair long ol rod we yumi stap usum.

    “Yumi evriwan hemi aware se Pablik Wok tu oltaem taem we i nid blong mekem ol rod be yumi kat problem wetem quarry,” hemi talem.

    “So, Bill ia hemi very impoten, taem yumi dil wetem ol kampani nomo ol praesing, samfala praes i hae be, this bill ia bae yumi dil direk wetem ol kastom lan ona so bae save helpm Pablik Wok blong repairem ol rod.”

    Bill ia hemi bin pas mo ol kastom lan ona bae oli save karem wan share we hemi fair wetem kampani.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen