Niufala data i soem seh, stat long Julae 2018 kasem Februari 2024, ni-Vanuatu PALM skim woka i bin sendem samples AU $446 milien (VUV 34,845,273,000) ikam blong help bildim ol niufala haus mo lokal bisinis tru aot long kauntri.
Naoia, i gat kolosap 10,000 ni-Vanuatu woka i stap long Australia anda long PALM skim, we plante i wok long Agrikalja mo samfala i stap long aged care mo meat prosesing.
Komisinia blong Leba, Murielle Metsan Meltenoven i talem se hemi impotent blong family i mekem desisen tugeta blong joinem PALM skim.
“Nomata we Papa o Mama iko long Australia, desisen ia i gat impak long evriwan blong famili,” hemi talem.
“I gud tumas se PALM skim i save bringim plante finansol benefit long famili, mbe igat ol sosel impact blong hem tu blong tingabaot.”
Wanfala man we i bin wok long PALM skim, Teko, ise hem i gat glad naoia afta hem i renovetim haos blong famili blong hem, hem i rebildim tu (2) bedrum mo hem i konstruktem wan kitsin mo batrum insaed.
“Mi lif wetem mama blong mi we i gat sam isiu blong helth mo i no moa save wokabaot tumas.
“Kitsin mo batrum i bin stap outsaid we i mekem hem i no save kam aut mo kam in olsem we hem nidim, espeseli long taem we weta i no gud,” hem i talem.
Narafala woka we i kam bak, Sherolyn, hem i plan blong apply blong PALM skim afta haos blong hem we i wan bedrum i bin brok long Tropikal Saeklon Pam long 2015.
Hem i wok hat mo long fes yia hem i savem enaf mane blong extendim wan-bedrum haos blong hem i kam wan 3-bedrum haos wetem wan living rum.
Sins we hem i kam bek long haos, Sherolyn i gat moa konfidens blong openem wan fashion shop blong salem ol pradak long wan prais we ol lokol pipol i save pem.
Taem ol man i askem hem olsem wanem nao hem i save mekem tingting I kam tru, hemi explenem:
“Mi raetem daon ol gol blong mi we mi save lukluk long hem oltaem. Mi kipim fokas blong mi mo preperem family blong mi blong mi gat sakses oltaem.”
Wael benefit blong leba mobility hemi klia, hem i save kam hard long ol famili.
Igat ol Program we i sapotem long distans rilesensip, redusem insiden blong domesik violens mo mekemsuo se famili i save luk plante benefit blong wok.
Wan eksambol ia hemi Famili I Redi program we i bin International Organisation for Immigration mo World Vision I desaenem wetem patnasip wetem Vanuatu Department blong Leba. Famili I Redi i gat sapot blong gavman blong Australia mo hemi mekem se wokman mo famili blong hem i preperem gud olgeta blong patisipet wetem tingting se hemi wan family trip.
“Department blong Leba i luk nid blong wan specialist program blong sapotem family we I involve long Leba program long taem we oli stat,” Komisinia Meltenoven i talem.
“Famili I Redi i sapotem famili blong wokman blong Vanuatu wetem edukesen mo praktikal tul we famili i save usim blong maitenen respekt, empati mo kompasen rilesensip bifo, long during mo afta we hemi kambak oversea.”
I helpem tu ol famili blong developim seving plan mo i givim gaedlain long basic bisnis plan.
Hemi blong mekem se wokman i kam bek long Vanuatu I save enjoyem benefit semak olsem Teko mo Sherolyn.
“Vanuatu Labour Mobility Unit i stap blong sapotem famili long trip ia. Mifala i preparem wokman wetem pre-departure briefings, tip long successful aplikesen mo ensurem se famili blong olgeta i part blong trip ia,” Komisinia Meltenoven i tok.
