International Monetary Fund i talem se economic growth rate raon wol i stap ko daon folem COVID-19 pandemic.
International Monetary Fund hemi wan International Organisation we i stat long 1945 wetem eim blong promotem economic growth, promotem emploimen mo lukluk long financial stability blong ol memba kaontri blong hem.
Gita Gopinath, Chief Economist blong International Monetary Fund i talem se “Long olketa kaontri we oli afek bigwan long helt disasta ia o ol pipol we oli afek daerekli long COVID-19, oli sud kasem inkam sapot tru emploimen insurens mo cash transfer mo impak fom blong kat sapot long loan mo grant.
Hemi talem se “International Monetary Fund i askem ol kavman mo ol dona agensi blong mas extendem sapot long saed blong inkam iko long ol pipol.”
Reserve Bank blong Vanuatu i talem se “Wanem we i stap hapen long olketa nara kaontri olsem Australia bae i kat efek tu long Vanuatu, nomata we kaontri hemi COVID fri.
Governor blong Reserve Bank, Simeon Athy i talem se “Economic risesen long Australia, bae i afektem tu Vanuatu mo mein wan hemi tourism indastri, from low Gross Domestic Product mo smol man nomo bae i wantem travel taem boda i open bakeken.
Hemi talem se “Ol turis blong Australia i kam long Vanuatu i mekem ap 50 pesen mo hemia i bigwan tumas.”
Vanuatu i wan memba kaontri blong International Monetary Fund long Spetember 28, 1981.
