Spokesman blong Australian Home Affairs Department ia hemi talem seh rijistresen hemi klos finis long 16 August mo oli selektem finis ol saksesful partisipens.

Hemi talem tu seh oli notifaem olgeta weh oli selektem olgeta finis mo oli gat 120 days blong aplae from visa blong olgeta.

Hemi seh naoia seleksem hemi stop smol taem beh bae i save gat bakegen sapos olgeta weh oli bin jusum olgeta oli no mekem visa blong olgeta.

Ol kaontri blong Pacific weh oli pat long program ia i Fiji, Federated States of Micronesia, Palau, Papua New Guinea, Solomon Islands, Timor-Leste, Tonga, Tuvalu, mo Vanuatu.

Prokram ia hemi alawem ol wokman blong karem ol famli blong olgeta i go lif mo wok long Australia.

Bae oli save mekem ol difren kaen wok beh i no ol farm nomo.