Gavman blong Vanuatu i stap wok long wan niufala mini taonsip projek we bambae i jenisim fes blong Santo long ol yia we istap kam. Projek ya, we bambae i stap long Naone Ban bae istat wetem wan moden marina, mo hemi stat finis blong pulum intres blong plante investa.

Mini Taonsip we oli planem bambae i wan moden, sustainable komuniti we i join wetem ol residential homes, bisnis, mo ples blong spel tu. Mbe fes stage blong hem hemi wan Marina we bambae i stap olsem main point blong divelopmen ya, mo bambae i fitim ol difren kaen bot, mo givim ol fasiliti we i stret gud blong ol sailing bot mo ol turis tu.

Projek ya i wan bigfala milestone blong Vanuatu, mo i soem se gavman i wantem blong mekem ekonomi i kam strong mo mekem kantri i kam wan gudfala ples blong investa mo ol turis.

Mini taonsip ya bambae ikam wan ples blong Revenu blong Gavman mo bae hemi help blong growem ekonomi.

Minista blong Lands mo Natural Resos, Hon. Rick Tchemako Mahe I talem long VBTC News se divelopmen blong marina ya i fasfala step.

“Hemi happen finis long ol nara kauntri olsem long Fiji we plante long yumi I lukim, mbe blong yumi hemi wan bigger project,” Hon Mako I talem.

Hemi gohed blong talem se “Ol investa i stap lukluk long projek ya wetem bigfala inters.”

Hemi talem se Taskfos we Gavman hemi sitemap we Minister blong Internol Afea I Jeaman blong hem mo Minista blong Lands hemi Vaes Jeaman oli mekem ol toktok finis wetem olgeta Land Owna.

“Yumi harem coment blong olgeta Land owner we oli resemap ol valid point abaot benefit blong olgeta mo fiuja generation and yumi tekem ino consideration taem yumi mekem ol plan.” Minista Mahe I talem.

Gavman I talem se detail blong projek ia bae hemi kamaot yet taem Gavman hemi complitim olgeta proses blong Land ia.