Vanuatu Association blong ol NGOs emi hostem fes ever NGO’s exhibition Day long Tasdei namba 3 blong manis ia long Port Vila.
Long ivent ia i lukim plante pipol weh oli kam togeta blong lanem about wok blong ol civil socity long kauntri.
Ol NGO’s mo civil society oli playem oltaem wan impoten role along saed kavman blong kauntri.
Emi wan long ol tingting weh Vanuatu Association blong ol NGOs i kam blong hostem exhibition Day ia.
Hemi wan ivent weh i lukim olgeta Non Government Organizations (NGO’s),ol Community Based Organization (CSO’s) mo ol intanasonal NGOs araon long Port Vila oli kam togeta blong showcasem olgeta prodak, prokram mo seveses weh oli runem long ol komuniti’s roan long kauntri.
Long ivent ia Vango hemi putum aot wan map blo ol Community Based Organization (CSO’s) mo ol Non Government Organizations (NGO’s) weh oli bin ko raon lo Vanuatu mo oli rijistarem olgeta.
Noel Steven oslem Secretary General blong Board blong Vango i talemaot stampa tingting behaen long ivent ia.
Emi talem se hemi wan tingting weh oli wantem mekem blong lukim komuniti involvmen blong ol jif, ol mama mo ol yut blong oli saveh lukim saveh ol rights mo prokrams mo seveses weh ol difren oganisasen oli sta runnem blo kasem olgeta long rural komuniti blong Vanuatu.
Involvement blong ol NGO’s or civil society hemi important long ol rural community long kauntri, mo i important blong appreciate ol wok weh oli stap mekem long kauntri.
