Sunday, April 14, 2024
28.8 C
Port-Vila
Sunday, April 14, 2024
More

    Salwai i tekem posisen olsem praem minista namba 2 time

    President blong Reunification of Movements for Change (RMC) hemi tekem posisen olsem wan praem minista namba 2 time afta kolosap 10 manis blong politikol instabiliti sins snap general eleksen long 13 octoba 2022 afta disolusen blong Palemen.

    Hon. Salwai blong aelan blong Pentecost hemi wan long 3 lida blong aelan ia we oli kam holem posisen olsem Praem Minista.

    Tufala narawan igat fes Praem Minista, Late Fr. Walter Hyde Lini we i mekem 2 term long Ofis ia mo brother blong hem, Ham Lini Vanuaroroa we hemi serve olsem praem minista long 3 yia.

    Salwai hemi onli Praem Minista afta long 1996 we hemi save finisim 4-yia term blong hem olsem wan Praem Minista.

    Hemi serve olsem Praem Minista long 2016 kasem 2020 blong complitim 4-yia term olsem wan PM, afta long UMP Maxime Carlot Korman, 15 year befor long hem.

    Taem hemi mekem fes toktok blong hem Long Palamen tedei, Hon. Salwai hemi talem sore long repablik blong Vanuatu folem ol past aksen blong hem we i kosem kauntri ia o i kosem harem nogud blong pipol.

    Hon. Salwai hemi bin pas long kot long August 2020 long ol jaj blong Korapsen mo Bribery. Salwai hemi fesem tu jaj blong perjury.

    Long November 2020 hemi pas long kot mo Jaj hemi handem daon wan sentence blong 2 yia, 3 manis we hemi suspended blong 2 yia.

    Foma President blong Repablik, His Excellensi Tallis Obed Moses hemi pardonem Hon. Salwai long September 2021, along wetem tufala nara foma Praem Minista, Serge Vohor mo Joe Natuman. Salwai hemi alow blong save holem pablik Ofis.

    Long Snap Eleksen blong 13 Oktober 2022, Hon. Salwai hemi elekted mo kam bak insaed long Palemen.

    Olsem president blong Re-Unification blong olgeta Moderates, plante politikol analiser i tokabaot Hon. Salwai olsem wan “Coalition Builder” from skil blong hem blong mentenem politicol coalition.

    Afta long 1996 term blong Mr Maxime Carlot Korman, igat plante politikol instabiliti afta we plante smolsol pati i kirap mo ol bigfala pati i brokbrok.

    Hon. Salwai nao hemi holem taet olgeta pati bagegen nomata hemi fesem ol motion blong ino gat trast, mbe hemi complitim 4 yia.

    Hemi wan nara time bagegen we Hon. Salwai bae hemi gat opotuniti blong Lid insaed long taem we kauntri hemi nidim wan stabiliti.

    Mo sapos hemi mentenem wan united coalition, bae hemi save complitem 4-yia term. Hemi wan situation we onli Coalition grup memba blong hem isave desaedem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen