Presiden long Repablik i exsesasem rol blong hem olsem wan simpol blong Unity taem hemi mitim ol politikol lida blong convinsem olgeta blong oli wok wan.

Hemi statem negotiation ia long fraede taem hemi risivim request blong disolvem Palemen.

President Nikenike Vurobaravu hemi statem wokabaot blong putum interest blong nation ahead long politiks, taem i invaetem ol lida ko long Nakamal blong hem.

“Mi disaet blong bambae ikat serious blong diskasen wetem olgeta politikol lida’s,jej lida’s, jif’s blong youmi long kaontri blong traem faenem long tingting blong olgeta wanem nao best wei fowod blong youmi mas mekem, olsem ol pipol, kavman, o olsem wan difren stakeholda blong kaontri blong youmi.

“Long ol las wik mi bin toktok wetem olgeta kavman politikol patis blong me arem ting ting blong olgeta.”

Hed blong State hemi resemap sam impoten samting we i aotstanding blong Palemen mo Gavman i mas mekem.

“Long viu blong mi ikat ol impoten samting, ikat olgeta key weh youmi mas mekem, wan nao youmi mas mekem sua seh proces blong pasem badget i mas komplete bifo en blong Marj long nekis yia, from sipos youmi no mekem bae youmi faenem wan difikalt situasen weh hemi nokat long loa blong youmi blong youmi faenem wei fowod.

“Isu hemi wan loa weh youmi bin stap tokbaot long taem finis ikam.

“Politikol integrity bil, hemi wan bil weh hemi disaen blong hemi traem blong rekulatem ol impoten fasin blong setem ap ol politikol pati, mekem sua seh ol operesen blong olgeta hemi ron stret follem rul blong loa, mo oli mas rispektem uniti blong youmi long kaontri, blong mekem seh ino sta kat instabilti.

Tufala main pati insaed long Kamp blong Oposition, Vanuaaku Pati mo UMP tufala i akseptem ol point blong HE mo talem se hemi gat nid blong reviewem bagegen demand blong ol politikol pati.

Lida blong Oposisen, Bob Lougman hemi talem,

“Tanku long ol memba’s blong kavman blong youmi saveh kam antap long wei fowod blong tekem pipol blong youmi weh oli bin ko tru long disasta ya, blong oli kontinu blong liv long eria weh oli stap long hem.

“Mi tekem taem ya tu blong talem tok sori blong opposisen iko long olgeta viktim weh oli fesem cyclone.”

Memba blong Port Vila constituensi, Hon Ismael kalsakau hemi talem,

“Mifala i biliv seh mifala i statem wokbaot ya, mo long fuija bae consaltesen ya bambae hemi fomem bes blong youmi tokbaot livelihud blong ol pipol blong youmi.”

Long state house igat wan saed blong Unity we ol lida i soem.

Saen we sapos hemi gohed gud bae Palemen hemi save ajivim fulap long olgeta aotstanding isiu we istap.