Polis hemi mekem around tri sej long propeti blong MP blong Ambae folem investigesen long VT1 bilien blong Ambae rod.
Polis komisena i talem se bai oli rilisim ful infomesen afta we investikesen i finis.
Kot hemi apruvum wan sej warrant blong polis i lukaotem mo karem ol item folem alegesen se forma Minister blong Infrastructure mo Publik Utiliti hemi pem wetem VT1 bilien we hemi shud go blong Ambae rod, we numba 12 legistlature hemi apruvum long budget blong yia 2021.
VBTC News hemi bin folem up sej ia long tuesday mo witnesem taem polis i entarem olgeta propeti ia.
Hemi long Number 2 area naraside long National Chief Nakamal, long Erakor village mo tu long Erangorango.
Polis hemi bin tekem olgeta item ia blong mekem moa investigesen long hem.
Polis comisena, Robsen Iavro, hemi toktok long VBTC nius mo confemem sej ia.
Investigation ia hemi happen afta we wan comisen blong inquiry hemi tekem ples long manis Jun we Minister blong Justis long time ia, John Still Tari Quetu i lonsem.
Hemi kat sam consen long Ambae about MP Hon. Jay Ngwele, we oli reportem long foma Minista blong Infrastrakja Marcellino Bathelemy.
COI investigation hemi claim se Hon. Ngwele hemi no iusim ol Money ia long stret samting we money isud ko long hem.
I kat tri main findings we COI i rivilim.
Fes wan hemi alegesen se Hon. Ngwele hemi mekem contract wetem wan kampani Enterprise Dinh Van Tu witout propa legal Procurement rul blong buildim road long Efate we i costem VT407.8 milien. One long ol road ia hemi road i go long Erangorango.
Nara alegesen se MP hemi divertem olgeta funds blong Ambae road blong sapotem politikol karia blong hem long West Ambae.
Mo numba tri hemi alegesen se Hon. Ngwele hemi usum olgeta construction material we oli pem long mane blong Ambae rod project blong constructem sam properti blong hem.
Praem Minister, Hon. Charlot Salwai Tabimasmas hemi talem long VBTC se bai oli mekem sure se ol investigation long ol allegesen ia hemi complete wetem wan nara Comisen blong inquiri we iko from 2 bot blong Vietnam.
