Friday, February 7, 2025
29.8 C
Port-Vila
Friday, February 7, 2025
More
    Friday, February 7, 2025

    Pablik i mekem wan pisful pared blong talem NO long instabliti

    Ova long 1,000 pipol i kol long kavman blong i mas pasem olgeta politikol integriti bil long yia ia.

    Ol bil ia i kat seven long olgeta mo planteh i redi finis blong oli pasem long palamen, beh from ol muvmuv mo disakrimen blong ol MP i mekem se i no pass yet.

    Klosup 200 man mo women oli mekem wan maj yestete kasem palamen house blong handem ova petisen we plante citisen i saenem.

    Pipol oli maj wetem ol bana we i talem se ‘stopem instability’, ‘Parliament is not your playground’, ‘Stop the nonsense’ mo tu ‘Yumi taet’.

    Hemi les long wan yia blong numba 13 legislaja mo pipol i witnesem tri praem minista i elekt long palamen. Tingting blong wokbaut ia i kamout taem wan nara mosen i deposit long manis ia blong karem out Praem Minista we i stap naia.

    “Yumi tired nao, yumi no kros be yumi tired from yumi wokem lukluk ol lidas oli stap jamjam” hemi toktok blong John Botleng, wan representativ.

    “Yumi wantem talem long ol lidas se yumi taet, yumi wantem se i kat wan stabol kavman blong oli lukluk long yumi lelpet” hemi toktok blong femes singa, Falcon, we i joinem pared.

    Ol issue olsem inkris praes blong ol samting long stoa, sisenol woka’s prokram, climet jenis, delei long disasta suply mo sam nara major isu we oli ting se ol lida i nid blong focus long hem.

    Praem Minister hemi akceptem petition long parliament house, mo hemi talem seh risen from wanem bils blong political integrity hemi no pass yet from fulup memba blong parliament oli no akri long hem.

    “Hemi stap long agenda blong planta gavman be hemi no pass from planta lidas oli no agri lem yet” hemi talem.

    Hemi kol long ol pipol long palamen yestete se oli mas tingbout se taem oli tokbout instability pipol i mas tingbout vote blong olgeta tu, oli mas votem ol man we oli kam blong mekem jenj.

    Petition blong pipol i kol long ol MP’s blong pasem ol politikol integrity bil long seken odineri siting we i go hed naoia, beh Praem Minista hemi no kamout clia blong talem weta bai oli pasem long siting ia or no.

    “i sad blong harem se sam lidas oli no akri long ol integrity bil

    Kodinata blong Voice blong yumi, Mike Esrome

    “Hemi very sad from wanem we i stap hapen long palamen ia hemi efektem laef blong evri man Vanuatu, spos yu sapotem bil ia, yu mas go bak mo luk why yu stap long ples weh yu stap long hem” Mike Esrome i talem.

    Seven bil blong politikol integriti ia i kat:

    Politikol Pati Registresen bil, Elekrol Act bil, Amendmen long disentrolaesesen Act, Amendmen long Municipality Act, Referendum Act Bil, Amendmen long Right to Infomesen Act mo Amendmen long Jaritabol Asosiesen Act.

    Pipol i biliv se ol bils ia bai saveh helpem se i kat stabiliti, mo i nomoa kat tumas jenis long kavman.

    Video series

    spot_img

    Must Read

    • https://radio.vbtc.vu/radiovanuatu
    • Radio Vanuatu
    • Radio Stations
    • https://radio.vbtc.vu/paradisefm
    • Paradise FM
    • Radio Stations
    • https://radio.vbtc.vu/femmefm
    • Femme Pawa
    • Radio Stations