Sunday, April 14, 2024
28.8 C
Port-Vila
Sunday, April 14, 2024
More

    Kavman mo Oposisen i mit blong diskasem ol bil

    Kavman mo Oposisen i mit tete blong diskas long wanem oli akri long hem long State Aos.

    Oposisen hemi stap wantem blong Kavman i mas putum wan deit blong pasem integriti bil mo bajet.

    Hemi 3 dei i pas sins ol lidas oli bin kat olgeta consultesen wetem Hed blong State long wanem stret desisen weh oli shud mekem blong kaontri.

    Hemi resal long Oposisen i karem aot mosen blong nogat tras mo oli pledgem blong oli wok tugeta blong pasem politicol integrity bil mo bajet blong 2024. Long semtaem tugeta side i agri blogn oli sitdown mo lukluk long how oli wok tugeta.

    Long camp Oposisen hemi call blong talem seh oli fokas naoia long ol resolusen blong las tu dei.

    Lida blong Oposisen , Bob Loughman hemi talem seh “Inkarejem Kavman blong introducum apropriasen bil, bil blong politiko lintegrity, mo bil blong elektrol rifom.

    “Disisen weh mifala i bin tekem, mifala i wantem lukim tu seh kavman hemi honarem disisen ya.”

    Honorobol Ishmael kalsakau hemi talem se Kavman i mas kivm wan stret deit, blong pasem olketa bils weh istap.

    “Mifala i kontinu blong askem long Praem Minista seh bae hemi muv foret kwikli wetem bajet blong ripablik blong Vanuatu, wetem politikol integriti legislaisen wetem elektrol refom weh mifala i pledjem long foret blong H.E Presiden, seh bae i mas pas befo long en blong tis yia.

    “Mifala i invaetm Praem Minista,blong bae hemi intafia kwik taem , wetaem bae Palimen i mas staon becos mifala 29 weh bae mifala i staon long wednisdei bae mifala i kontinu blong staon long saet taem ol bils ya oli kam insaet long palimen mo bae mifala i helpem Kavman, blong mifala i pasem ol bils ya.”

    Naoia weh i stap i no clia yet weta Kavman bai hemi putum bil i go long palamen long yia ia o no.

    Praem Minista i bin respon long hem.

    “Tis yia istap finis nao, taem umi tokbaot referandem hemi tekem taem, taem umi tokbout amenmen blong contitusen i mas kat beta andastaning long hemia.

    “I no kat wat wan komiti yet weh kavman hemi putum in ples olsem contitusen riviu komiti, ating hemia tu palimen o kavman i mas elektem o putum blong mekem seh oli wok long hem.

    “Ikat ol politikol patis tu oli mas kam tugeta blong kat wan raon tebol diskasen.

    “I bin kat sam opotuniti long pas weh umi bin ranem ol presentesen blong ol bils ya long palimen beh nokat fulap man i bin atendem, beh hemi impoten blong everi wan oli atendem blong kivim ol viu blong hem.

    “Naya umi talem seh blong umi ras long hem ko kasem long en blong yia taem hemi shot lelpet, beh umi saveh statem ko tru long hem befo palimen sesen long Decemba 15.”

    VBTC nius i kasem infomesen long Oposisen se oli mit wetem Kavman yestete aftanun blong diskasem ol bils we oli nid blong pasem.

    Letest

    Sport

    More article

    • https://radio.vbtc.vu/radiovanuatu
    • Radio Vanuatu
    • Ol Radio Stesen
    • https://radio.vbtc.vu/paradisefm
    • Paradise FM
    • Ol Radio Stesen
    • https://radio.vbtc.vu/femmefm
    • Femme Pawa
    • Ol Radio Stesen