Port Vila Municipal Kaunsel i stap facem jalens long shotej blong man pawa blong save finsim niufala cemetri.
Opening blong niu cemetri long Eratap hemi wan mein focus blong olgeta tu long yia ia.
Hemi wan ejen situation naoia from olfala cemetri hemi fulap tumas.
Niufala cemetri ia hemi tekem araon 20 hecta olsem blong mekem wok long hem.
Kaunsel hemi stap wok hard naoia blong mek sua se samfala mein samting long cemetri hemi finis blong save openem long end blong yia ia.
Public Relations officer long PVMC, Pauline Timothy, hemi talem se spes blong olfala cemetri hemi wan bigfala wari long olgeta tu naoia.
“Mo naoia hemi kam olsem wan wari e no blong yufala nomo be kaunsel we hemi stap tedei wetem ful administrata blong city kaunsel long tinktink se olfala cemetri site blong yumi naoia hemi nokat enaf space,” hemi talem.
“Naoia sapos yu ko daon long olfala cemetri blong yumi bae yufala lukim se yumi berem ol man gogo i kam naoia long ol ples we long bifo i kam yumi stap usum olsem pablik rod access blong save ko visitim memba blong famili blong yu.
“Be wetem shotej blong space we hemi stap naoia i mekem se yumi usum ap klosap evri space ia finis we hemi stap.
“So naoia kaunsel hemi mandatem ofis blong town clerk wetem ol senior manaja’s blong hem blong oli wok had naoia blong mekem sua se niufala cemetri site blong yumi ia i should kam opening blong hem by the end of this yia 2023.”
Kaunsel hemi wok tugeta wetem town planning mo New Zealand local gavman blong mekem marking blong space long niufala cemetri.
Ms Timothy hemi talem se folem shotej blong man pawa i mekem wok i slo blong finism niufala cemetri ia.
Hemi talem tu se bigfala wok i stap go yet finis olsem klirens blong ol space mo cement slap.
“Long fiuja taem i kam bambae yumi lukim niufala cemetri site blong yumi mbae hemi stap long wan narafala standed o long wan higher standed compare long hem ia we yumi stap usum naoia,” hemi talem.
“So, hem ia we bae yumi usum antap i kat ol bem we hemi ko espeseli blong ol tomb nomo afta i kat ol bem we hemi dabol mo i kat hemia we hemi single tu.
“Yu taem we bae yu kam bae hemi stap long jois blong yu nao blong yu wantem hao nao bae oli berem memba blong famili blong yu.
“Wok hemi bin done finis, ating mi stap toktok naoia 5 moa bem i stap o slap we stap blong ol boi oli complitim long wik ia.”
Ms Timothy hemi talem tu se jalens blong wota hemi contribute tu blong sloem wok long niufala cemetri ia.
Be no matta long hem ia oli usum ol bigfala wota tank blong save saplae wota blong mekem wok i still go hed.
