Labour Department i talem se so far hem i bin registarem 150 job loses olsem risal blong impak blong COVID-19 long bisnis indastri long Vanuatu.
Commissioner blong Labour, Murielle Meltenoven, i talem se olgeta job loses ia i kamaot long six kampani we hemi long Turism mo Hospitaliti Indastri.
Ms Meltenoven i talem se hem ia i hem i ol daerek risal blong COVID-19.
Hem i askem everi kampani blong oli sendem in rikod blong ol lay-offs sapos oli stap plan blong putum aot ol wokman.
“Blong hem i helpem mifala tu blong mifala i gat wan up to date data mo statistics blong amas man nao oli afek daerek long impak blong COVID-19 long saed blong lus blong wok long domestic maket blong yumi,” Ms Meltenoven i talem.
Taem inkam hem i stap kam wan isiu welkaming nius long Australia blong mekem wan trial long Seasonal Workers Program, hem i wan samting we departmen blong leba hemi glad long hem.
Hem ia i wan janis blong dil wetem ol job loses long Vanuatu.
Ms Meltenoven i talem se “Wan long olgeta fes step we dipatmen blong leba hem i tekem blong adresem emploimen long taem blong kraeses ia hem i blong kam blong akseptem ofa blong Australian Government blong pilot projek blong sendem 170 wokman i ko wok long Australia.”
Hem i talem se “Mo yumi hop se bambae i gat moa janis olsem long fiuja mo bae yumi wok gud wetem ol protokol mesa in ples blong yumi save alaoem ol pipol blong yumi oli save stap long wan sef environment.”
Olgeta 170 wokman ia bae oli karem feawel toktok long gavman mo ol stakeholda tedei long Independence Park long Port Vila bifo oli lego Vanuatu long olgeta dei we i kam.
