Telecommunication Regulator i kol blong ol Information Communication Technology i wok tugeta blong ajivim ol goal blong economy mo social sekta.
Toktok ia i kamaot long wan interview wetem VBTC Nius tete long Pacific Telecomunity Forum.
Forum ia hemi tekem ples long Port Vila, wetem ova 200 patisipen long ol pacific Island kaontri inkludum New Zealand mo Cambodia.
Long Opening ceremony blong event ia tete, Caretaker Prime Minister Bob Loughman mo Chairman blong forum John Jack, Acting Government Chief Information Ofisa oli tokbout bigfala developmen.
Long Regulatory Tracker blong ICT, Vanuatu hemi stap long G3 level blong developmen hemia long saet blong alaowem moa investmen mo tinktink blong alaowem moa competition. Hemia afta we hemi achievim G1 we hemi blong karem out Monopoly mo G2 we hemi openem up market blong ICT.
ICT tracker ia hemi kivim wan lukluk long ICT devolopmen long wan kaontri beis long ol policy we hemi kat, apdeit blong Vanuatu sins 2020 i showem se Vanuatu hemi stap long foret blong ol nara pacific kaontri olsem Fiji, Tonga mo Nauru long saet blong polisi. Hemi developem naoia 15 Mandates.
Telecommunication Regulator, Brian Winji, hemi talem se i no isi blong mes level blong implementation mo kwaliti.
Hemi pointem aot se mein jalenj hemi blong wok tugeta.
Telecommunication Forum tete hemi tekem tugeta ol high level delegates we oli tokbout ol jalenj long Pacific mo hao bae oli adresem.
Mr Winji i talem se kaontri i stap usum ol forum olsem blong helpem developmen blong ICT.
Tri dei forum ia bai lukluk tu long ol lesson learnt long taem blong COVID-19 ia.
